Fredag 6. november:

I dag bygde me med lego. Det skulle vera ein skulptur av teikningen vår.

Eg synes det har vore gøy i dag. Me har bygd med lego, teikna ferdig teikningane og skrive på data.

Me har laga teikning og begynt å laga kva me tenkjer at det kunne vore på gamle Sagvåg skule eller Jensaneset.

Eg synes det har vore kjekt i dag. Me har teikna teikningar og bygd lego.

Det var gøy å halda på med lego.

Eg har lært å teikne og skrive på data.

Det har vore gøy å arbeide med prosjektet i dag.

Badeland, aktivitetspark, sandstrand, kjøpesenter........

Onsdag og torsdag har elevane vore ivrig opptekne med å laga modellar ut frå teikningane og planane dei arbeidde med tidlegare i veka. Og her kjem elevane sine kommentarar.........

•    Me skulle laga modell av fornøyelsesparken så me måtte mala, og bruka papp. Me kom ganske godt i gang egentlig!
•    Det som me gjorde i dag var at me teikna. Me fantaserte om kva me kunne hatt på Jensaneset i stadenfor båtbygging. Me valgte badestrand, og så begynte me å laga modell ut frå teikningen. Det var ganske gøy!
•    I dag begynte me å laga modell av fornøyelsesparken! Me har malt grønn bakke og me skal snart få hus og karusellar inn.
•    Me laga litt meir butikkar på kjøpesenteret, og så begynte me å mala gras. Og så skar me ut veggane på senteret.

Etter at me var på Ottesen skipsbyggeri og såg oss om i går, har elevane i dag gått saman i grupper og dei er i gong med å tenkja og teikna framlegg til korleis området ved skipsbyggeriet kunne vore nytta på ein annan måte.
Sagvåg skule flytta inn i nye lokale for fire år sidan, og ei elevgruppe arbeider med korleis gamleskulen kunne vore nytta på ein ny og spennande måte.
Det er meininga at dette skal overførast til modellar.

Sjå bilete frå utfluktene her og vil du lesa om prosjekt tidlegare 7. klasse elevar har gjort ved Ottesen skipsbyggeri på Jensanes sjå her

Her er elevkommentarar frå tysdag:
•    Mi gruppe skal planlegge fornøyelsespark på Jensanes. Det går bra og er veldig kjekt
•    Me laga teikningar av eit badeland på Jensanes. Me teikna sklier, stupebrett, boblebad, kiosk, fossefall og undervannstunnell.
•    Eg syns det var kjekt å teikna eit kjøpesenter som kunne vera der gamleskulen var.
•    Mi gruppe arbeider med at det kan bli kjøpesenter på gamleskulen. Me diskuterte kva butikkar me kan ha der.
•    Det var kjekt i dag, for eg og Benedikte og Inger Marie teikna ein dyrepark.

Me fòr til Jensaneset og då blei me delt inn i to grupper. Me hadde ei omvisning og så tok me bilete og teikna. Det var kjekt!

Me var på ein båtbyggeplass. Det var ganske spennande, synes eg.

Me gjekk til Jensaneset og så blei me delt inn i to grupper. Dei viste oss mange ting i husa og så skulle me teikna og ta bilete. Eg synes det var litt gøy.

Me var på Jensaneset. Der fekk me ei lita omvisning. Der var mange gamle ting. Det var kjekt.

Eg snes det var kjekt å høyre om ting dei gjorde før i tida.

Eg har lært litt om fortida og hatt det kjekt med prosjektet.

Me har vore på Jensaneset. Me skissa, tok bilete og var på omvisning. Det var gøy og slitsomt.

Me lærte masse om gamle og nye ting, og litt om gamle tida då dei laga båtar. Det var gøy.